Skautahöllin í Laugardal

Íþróttabandalag Reykjavíkur sá alfarið um að reisa mannvirkið og annast allan rekstur samkvæmt samningi við borgaryfirvöld. Skautahöllin er mikið mannvirki. Hún er rúmlega 3700 fermetrar að stærð, þar af er sjálft svellið 1800 fermetrar. Skautahöllin tekur allt að þúsund manns í stæði. Mikil áhersla var í byrjun lögð á að almenningur hefði greiðan aðgang að skautahöllinni og miðað við aðsóknina sem hefur verið geysilega góð var greinilega mikil þörf á þessu yfirbyggða svelli borgarbúa. Grunnskólar höfuðborgarsvæðisins hafa nýtt sér aðstöðuna í miklum mæli og virðist sem skautaíþróttin eigi miklum vinsældum að fagna hjá grunnskólanemum. Skautafélag Reykjavíkur æfir í Skautahöllinni. Félagið býður upp á íshokkíæfingar og listskautaiðkun fyrir fólk á öllum aldri. Skautakennari er starfandi hjá Skautahöllinni og geta skólar, hópar og einstaklingar fengið hann til kennslu í grunnatriðum skautaíþróttarinnar og einnig mun hann kenna byrjendum íshokkí.

Þarftu frekari upplýsingar?

Ef vefurinn svarar ekki spurningum þínum getur þú farið efst í valmynd síðunnar og smellt á tengilinn "Hafa samband" þar er form sem hægt er að fylla út í og komið erindi þínu á framfæri. Þú getur líka hringt í okkur í síma 5889705 og valið (1) þá færðu eflaust samband við einhvern skemmtilegan starfsmann hallarinnar sem svarar öllum þínum spurningum.

Hvar er Skautahöllin?


View Larger Map